Kæru Mímrar!

Í mars er árlegur blóðgjafarmánuður Háskóla Íslands en sem fyrr stendur
lýðheilsufélag læknanema fyrir honum og verður haldin keppni milli
nemendafélaga og vinnur það nemendafélag sem er með flestar gjafir miðað
við nemendafjölda. Bikarinn verður afhentur á veglegri lokahátíð
blóðgjafamánaðarins með hljómsveit og tilheyrandi.

Það skiptir ekki máli hvort fólk sé að mæta í gjöf eða sýnatöku fyrir
fyrstu gjöf, bæði gefur stig í keppninni. Aðalatriðið er að nemarnir skrái
sig á sérstakan lista í blóðbankanum og hvaða nemendafélagi þeir tilheyri.
Auk þess kemur blóðbankabíllinn 3. og 15. mars, þann 3. verður hann á
bílastæðinu við Háskólabíó, þann 15. við Odda.

Í síðasta blóðgjafamánuði vann félag læknanema, þrátt fyrir góða þátttöku
annarra nemendafélaga. Ekki leyfa læknanemunum að vinna aftur, látið
blóðið flæða og hirðið dolluna!

Blæðum fyrir Mími og sýnum öllum öðrum eitt skipti fyrir öll að Mímir er
bestur, mestur og gjafmildastur!

Í tilefni af blóðgjafarmánuðinum verður Mímir blóðrauður í marsmánuði! 

Kveðja, Mímir blóðgjafi!

Hugvísindaþing verður haldið 5. og 6. mars í Aðalbyggingu Háskólans. Þingið hefst kl.12.30 í Hátíðasal Háskólans föstudaginn 5. mars með sameiginlegri málstofu og stendur svo allan laugardaginn 6. mars.

Boðið verður upp á tæplega 130 fyrirlestra í mörgum málstofum, auk þess sem rannsóknir verða kynntar á veggspjöldum. Fjölmargrir fyrirlestrar verða um málfræði og bókmenntir auk annarra hugvísinda, svo allir ættu að finna sér eitthvað við sitt hæfi!

Dagskrá þingsins má finna hér

Meðal þeirra málstofa sem í boði verða má nefna:

Að dæma um mál og fordæma

Íslenskt samfélag býr að rótgrónum viðhorfum til máls og málnotkunar sem ráða því að miklu leyti hvað við teljum rétt og rangt, gott og vont í þeim efnum. Erfitt getur verið að festa hendur á hvaðan þessi viðhorf eru runnin og á hverju þau byggjast. Á málstofunni verður fjallað um það frá ólíkum sjónarhornum út frá hvaða forsendum dæmt er um mál og málfar, hvernig litið er á málfræðireglur og hvernig dómar og fordómar endurspeglast með ýmsu móti í því orðavali og tungutaki sem þá er viðhaft. Meðal flytjanda: Guðrún Þórhallsdóttir og Kristján Árnason

Bragfræði: Rýnt í bragform, rím og stuðla

Málstofan fjallar um þrjá þætti hefðbundins ljóðforms, bragarhætti, rím og ljóðstafasetningu. Í fyrsta erindinu er litið á þróun dróttkvæðs háttar fyrir 1400, í því næsta er fengist við tengsl rímorða við málsögulega þróun, í þriðja erindinu er rætt um breytingar á jafngildisflokkum og grunnþætti stuðlunar og lokaerindið fjallar um tákngildi stuðla í ljóðlistinni. Meðal flytjanda: Krisján Árnason

Íslensk fallaflóra: Ólík föll og fræðikenningar

Hér verða okkar ástkæru kennarar, Jóhannes Gísli Jónsson og Höskuldur Þráinsson, meðal flytjanda svo ekki sé minnst á Anton Karl Ingason og Einar Frey Sigurðsson... þessari málstofu má enginn missa af!

Sögur af sögum um börn og unglinga

Í málstofunni verður gripið niður í íslenska barnabókmenntasögu á fjórum stöðum og spurt um söguskilning og sjálfsskilning þeirra. Einnig verður fjallað um bull og brall í ljóðum og myndum fyrir börn og spurt um fagurfræði barnaefnis. Meðal flytjanda: Dagný Kristjánsdóttir

Gyrðing: Vangaveltur um verk Gyrðis Elíassonar

Í málstofunni verður fjallað um ýmis einkenni verka Gyrðis Elíassonar, annarra en þýðinga, og sömuleiðis rætt um viðtökur þeirra. Fundarstjóri: Þosteinn Surmeli. Meðal flytjanda: Bergljót S. Kristjánsdóttir og Sveinn Yngvi Egilsson.

Mímir hlakkar til að sjá ykkur!

Á föstudaginn 19. febrúar heldur Mímir í heimsókn til Forlagsins ásamt Ritvélinni, nemendafélagi Ritlistarinnar. Teitið verður haldið að Fiskislóð 39 (í nágrenni við Bónus og Löður) í lager Forlagsins svo hægt verði að teygja almennilega úr sér. Dagskráin er frekar fjölbreytt, veitingarnar ekki af verri endanum og allir eru hvattir til þess að spyrja sem mest.

Mæting er klukkan 17:30 og er pláss fyrir 20 Mímisliða og hvetjum við að sjálfsögðu alla til að koma. Þeir sem eru skráðir í Mími ganga fyrir en Ómímrar eru að sjálfsögðu velkomnir meðan pláss leyfir, gegn 500 króna gjaldi.   

Hvort félag verður að tilnefna þrjá félagsmenn úr sínum röðum sem verja mun

heiður síns félags í svínslegri spurningakeppni. Mímir ætlar að sjálfsögðu að koma, sjá og sigra!

Hlakka til að sjá ykkur öll,

kær kveðja,

Mímir lestrarhestur